經期時想愛愛，衝紅燈前你要知的5件事！

風險管理 ...

懷孕風險：唔好覺得經期嚟就等如零懷孕機會，雖然係離開排卵期幾日，但如果經期唔準、排卵期又亂咗少少（呢啲你控制唔到），都係有懷孕機會架。

感染風險：安全性行為幾時都係最重要嘅，就算經期嚟，都仍然有性疾病傳染嘅風險，所以一定要戴安全套做。亦有講法係經期時，陰道嘅pH值會同平時有所唔同，可能會增加酵母菌肆虐、尿道炎出現嘅機會，所以衛生同安全功夫要做足。

性趣濃：有女生覺得喺經期嚟之前一兩日或經期嚟時自己特別「鹹濕」 ，可能係因為荷爾蒙水平改變而變得比較敏感，特別有感覺。只要另一半覺得無問題，想喺呢段時間做也未嘗不可。