心儀行為3. 不經意但有意的身體接觸
「男女授受不親」呢個說法早已不合時宜！男同事若暗戀你，會借勢手臂擦手臂，知你凍時又會趁機摸下手仔睇你有幾凍，甚至借出外套。如果你都有意思發展，可適度增加身體接觸，例如直接用手摸佢手仔，話「公司冷氣真係好大，你睇下我隻手幾凍？」如果佢無抗拒，仲有些微開心感覺，意思就更加明顯。
心儀行為4. 鎖定你放工時間一齊收工
女同事約埋齊齊收工坐車好平常，異性就未必會！如果他也經常等到你收工時間一齊走，又會問你今日係咪返屋企，順路一齊行等等，好有可能對你有意思！
心儀行為5. 下班後私下聯絡
放工後，男同事有意無意借公事私下whatsapp你，再扯開話題傾埋私事；放工後一齊走時以個人興趣、喜好為話題，並趁機單獨約你，也是有意思的跡象。
心儀行為6. 在社交媒體逢Post必Like
男人好少玩社交網站，就算玩都係睇多過俾反應。假如男同事對你逢post必like，亦非對個個女同事都係咁，代表佢對你的日常生活非常關注，暗戀機會大大增加！假如你想加快進度，促進感情，不妨like返佢啲post，上班時也借post開闢新話題。
心儀行為7. 主動問你感情狀況
男同事單刀直入問你感情狀況，只有兩個可能：一是八卦；另一個就係對你有意思。如果只係八卦，以上情況理應不會出現！如果中咗大部分跡象，恭喜你！你行緊桃花運，更有機會投入新戀情！
