feature

一直是「A0」30歲單身女最怕遇上5個愛情問題

一直是「A0」30歲單身女最怕遇上5個愛情問題

身邊不少女生一直單身,學生時期唸女校,大學學科又是女生圈子為主,出來社會工作遇上的不是已婚男就是中年大叔,根本無機會認識對象。拖拖下,30歲了,不但單身,感情履歷表更是A0。

by COSMO

A0女生每次轉工、識新朋友,最怕遇上八卦同事,不停迫供問你戀愛史。以下5條問題,正正是A0單身女生最怕、最不懂回應的問題!

1. 拍過幾多次拖?

年紀愈大愈難啟齒,老實說零經驗的話,一來會被質疑無拖拍成原因,係咪自身性格太惡頂,抑或要求太高看不起認識的男人,又或會被質疑性向。如果講大話又怕被揭穿,要不停搵大話掩飾。其實心入面最想講:「同你好熟咩?關你咩事?」好想逃離現場避開愛情問題。

 

2. 擇偶條件係咩?

問呢個問題嘅人有無諗過,其實A0人士無愛情經驗,根本唔知合適對象係咩類型。如果答你高大靚仔,佢可能暗想「要求咁高難怪你無拖拍」;答你鄰家男孩類型,佢又會諗「咁簡單都無拖拍,即係你魅力唔夠」其實答乜都係死,亦毫無意義。只有當心儀對象出現,先知道自己鍾意咩類型。要單身女憑空想像,太難回答了!

 

3. 點解唔拍拖?

來來去去的答案是「未遇到合適的」、「唔想拍拖」、「自己一個都幾好」、「工作好忙」...以上都是標準答案,10個有9個都係咁答你,心裡OS是「你估我唔想拍咩,有人追先得架!」

 

4. 你覺得個男仔點?

有些朋友有兩句計傾,又未熟到成為知心好友,但就開始枉作媒人,未了解清楚你的理想類型,就亂咁介紹男仔你識,不但聚會場面尷尬,更難應付呢條問題。單單見一次面點可以答到你適唔適合,又怕你會將自己所講的轉述給對方。假如唔適合,唔通又踩到佢盡?所以單身女最怕不相熟的朋友自把自為!

 

5. 點解唔同佢一齊?

從未拍過拖的女生,不代表無人追!但好多朋友一知道自己有人追就要應承,生怕你「蘇州過後無艇搭」,要知道A0女生也有選擇權利,不要因為拒絕了追求者而覺得我們會孤獨終老!

LOAD MORE