今年《降魔的》喺「觀眾在民間電視大獎」可以話係出哂風頭，包攬咗唔少嘅獎，單單一套劇就贏咗7個獎，包括「民選最佳劇集」同「民選最佳劇本」。一套好嘅劇，好大程度要歸功一個好嘅編審。《降魔的》嘅編審羅佩清襯深夜喺facebook Post咗篇千字文，雖然攞咗咁多獎，大編審都冇囂張，仲好謙虛。
登入 瀏覽本網站，可獲取積分換領專屬優惠
點擊查看專屬優惠
100% 民意支持
羅佩清喺千字文開始多謝「觀眾在民間電視大獎」嘅搞手方以文，咁有心去搞一個全民提名、全民公投、100%反映民意的電視大獎，同埋多謝一班支持《降魔的》嘅網民。
對逝世的人滿滿懷念
羅佩清亦喺千字文入面表示《降魔的》對於佢係一部好有意義嘅一套劇集，因為《降魔的》除咗係佢第一套編審作品，亦寄託了佢對先父母嘅思念。希望《降魔的》可以感動同慰藉到經歷過失去親人嘅觀眾；希望已故父母都可以睇到《降魔的》同埋因為獎項而安慰。
羅佩清亦透露，《降魔的》喺一開始構思嘅時候，就有續集嘅初步構思，去解開第一部既伏筆同迷團。而加連續集嘅名都諗好啦，叫《降魔的之十字路口》，但係咪可以落實仲係未知之數，有賴一班觀眾嘅支持啦！
編審羅佩清千字文全文：
觀眾在民間電視大獎，《降魔的》僥倖得到多個獎項，包括民選最佳劇集，得票898票，幾好意頭。一千票都唔夠，有幾巴閉啫？大陸網劇點擊率下下都億億聲啦，好意思攞出唻講？但在特首得票都只係777票的香港，足夠我地自high當自己贏咗特首。2017年說好的普選走數了，但有一個人搞了個全民提名、全民公投、100%反映民意的電視大獎，冇糧出冇老細逼你，做冇人讚你唔做冇人怪你，方以文絕對傻到一個點。不過我相信世界上最偉大的事，往往都是靠傻人去成就的。謹代表《降魔的》仝人感激這個傻人，也感激所有一齊傻一齊投票的網民。
《降魔的》對我個人來說是有特別意義，除咗係我個人第一套編審作品，也因為寄託了我對先父母的思念。遙不可及的痛楚，令我思考生死流轉，或許生死只是存在形式改變而已。我期望真有「所有目的地」，死亡不會再將人分開。這劇算不上什麼成就，但如果有觀眾也經歷過失去親人，看後有點感動，有點慰藉，我最欣慰不過。如果mytv super覆蓋到靈界，但願阿爸媽咪看到《降魔的》，但願他們知道這小小獎項會有點安慰，所以容許我小私心將這些榮譽獻給他們。
還有一個人我必須多謝的，就是我的好拍檔、此劇監製方駿釗，嘟嘟。嘟嘟貌似《stranger things》裏的Dustin的放大版，肉地較厚所以抗壓性也較高，拍攝前至播映期各方壓力都頂得住。最感激他很信任我們創作團隊，給我們自由，特別欣賞他不停喊窮但仍盡力配合我們天馬行空的劇情，克服各種製作難度，令創作和製作得以完美結合。為了向他致敬，我將劇中韋家雄飾演的神勇正義臨危不亂仲有個後生靚老婆的幹探命名為嘟嘟sir。
很多人問我《降魔的》有冇續集？其實構思之初，便計劃成一個可持續發展的系列，循序漸進地實驗，而實驗的第二部也有初步構思，在第一部故意隱藏了一些角色和疑團將在第二部解開，也會進一步開展靈異世界。第二部的劇名也想好了—《降魔的之十字路口》。但目前仍有不明朗因素，還未正式落實，如果觀眾真係想有第二部，可能要幫《降魔的》在萬千星輝頒獎禮加加油。其實《降魔的》只是超低成本經營，不敢奢望有獎，有份陪跑已是榮幸，但願藉此機會爭取多一點民意，令公司對第二部會有信心。
除了官方的頒獎禮，還有另一個非官方的爭取機會：游大東X香港樹仁大學symedialab搞的2017香港電視大獎，《降魔的》也有一些提名（https://www.facebook.com/yautaitung/posts/2037940809565665:0），大家也可以去投票支持，截止時間為17/1晚上十二點，大家快Ｄ去投。游大東比方以文更傻一點，唔單止不求回報，仲搵埋贊助，投票有機會贏到部電視返屋企架！
無論有冇獎，無論有冇續集，我地都好感激所有觀眾對《降魔的》既支持，所以將會有些小驚喜準備給大家，密切留意啦！
立即訂閱接收Cosmo最新潮流資訊
訂閱電子報，獲得更多資訊、體驗及禮遇