editing

玩Tinder 最緊要夠「真」!交友App 揀Profile Picture 4大宜忌

玩Tinder 最緊要夠「真」!交友App 揀Profile Picture 4大宜忌

天氣開始流露淡淡秋意,仲係單身嘅你,當然最想趁入冬前趁早脫單,搵到心儀對象開展一段浪漫關係。但大家都知姻緣可遇不可求,有時即使想搵男朋友,現實中可能有種種客觀因素令你未如所願,例如工作忙碌、社交圏子狹窄、認識極的對象都不是自己喜歡類型--這時候,可會考慮交友App Tinder?

by 梁心羽

或者你會驚訝,無論在香港或外國經常用以約炮居多的Tinder都可以搵到正常對象?正所謂工具係死,人係生嘅,現實中,其實都有不少朋友透過Tinder成功脫單,甚至開花結果。如果你都想成為其中一份子,首先要放低對網上交友APP的有色眼鏡。

玩Tinder 最緊要夠「真」!交友App 揀Profile Picture 4大宜忌

上得Tinder的男男女女,多少都是滿懷目的。雖說目標為本,但談情說愛無法強求,任何感情關係的基礎都係由朋友開展,所以此時態度仍然保守的你,要開始令自己學習放鬆開放些:都係識個朋友啫,why not?話雖如此,絕大部分人玩Tinder,都係以相片作第一印象,因此識得揀好的profile photo何其重要!要增加被好男人「swipe right」機率,有以下幾點要留意哦:

Don'ts 1. 鬆郁濛故作神秘

玩Tinder 最緊要夠「真」!交友App 揀Profile Picture 4大宜忌

有好多女生可能出於怕醜,都未必會用自己正面相片作profile photo,寧願化身「影后」、貓貓狗狗或者張相係濛濛看不清。記住此乃大忌!Tinder上男女眾多,每人平均花在一個對象「swipe right」或「swipe left」的時間大約只有幾秒,男生都希望能清晰看到你的面貌,而非故弄神秘呢!

Do't's 2. 用那些年的舊相做照騙

玩Tinder 最緊要夠「真」!交友App 揀Profile Picture 4大宜忌

作為女人,我都明白有時難免會懷緬某個年代嘅自己,嗰個特別fit、無咁殘、容光煥發嘅自己。但記住,Tinder揀相嘅最重要法則在於誠實,所以奉勸大家用近照為佳!試想想,如果你同某個對象click到,出到嚟先發現嗰張相係瘦削時期嘅對方,貨不對辦到咁,即刻令人好turn off!同理,用修圖App作大量修飾的「照騙」都可免則免啦。

Don'ts 3. 放夜蒲照

玩Tinder 最緊要夠「真」!交友App 揀Profile Picture 4大宜忌

有些女生為增加俾人「swipe right」的機會,不惜會放喜愛夜蒲的party相片,又或者意態撩人的性感照。無疑呢類相片係會引起不少男生興趣,但記住You Attract What You Are,這些所吸引返嚟男生,絕大機會都係玩下就算的player,又係咪你想要的對象先?

Don’ts 4. Crop相/朋友合照

玩Tinder 最緊要夠「真」!交友App 揀Profile Picture 4大宜忌

Tinder頭像仲有一個常見大忌,就係朋友合照!首先,容易令人混淆(萬一原來對象睇上眼的係你朋友,咁點先......);其次,如果當中有其他男生,直覺上會令對方覺得你已occupied,大大減低對你既興趣。避免誤會,索性用修圖app crop走其他人?呢類相都可免則免啦......還不如大大方方selfie一張啦!

Dos 1. 見相如見人

玩Tinder 最緊要夠「真」!交友App 揀Profile Picture 4大宜忌

正如之前提及,揀選Tinder頭像嘅重要法則係真實;見相如見人,如果要令人留下好印象,就一定要展露誠懇、友善、自信嘅眼神同笑容(呢個時候,記得唔好揀戴太陽眼鏡嘅相啦!)。當然,如果自認內斂、怕醜、寡言,都可以放啲「唔望鏡頭、漫不經意」的文青照,但記得感覺要以自然為大前提,做多咗就造作得令人尷尬癌發作喇。

Dos 2. 專業相機會加分

玩Tinder 最緊要夠「真」!交友App 揀Profile Picture 4大宜忌

要profile pic清晰,挑選好的攝影工具同技巧都好重要,以今日智能手機為最低基本,影相前記得抹下鏡頭的油脂,亦唔好懶有味道咁揀啲「鬆郁矇」同多noise嘅相。如果用專業相機影的話,當然更加分啦!

Dos 3. 善用相片組合

玩Tinder 最緊要夠「真」!交友App 揀Profile Picture 4大宜忌

喺揀選profile pic相片組合時,除咗自己靚樣,都不妨加入同自己興趣或喜好相關的相,例如好動的女生可以加入做運動的相、愛心爆棚的女生可以擺下自己愛貓愛犬的相、熱愛探索世界的女生可以放旅行相等等。善用相片組合,等人一眼就對你留下全面的大概認識,加深印象,同時之後讓對方容易同你打開話匣子。

Dos 4. 全身照加分

玩Tinder 最緊要夠「真」!交友App 揀Profile Picture 4大宜忌

Let's be honest,即使係絕世好男人,喺揀選對象時,女方身材都會係其中一個吸引之處。因此喺你揀相時,不妨加入一張全身照。放心,張相唔需要性感,但最起碼都比對方一個概念你的身形係點啦。

做足以上幾點,相信都可以大大增加你被「swipe right」的機會!姊妹們,脫單good luck!

LOAD MORE