情人節收咗禮物，想起白色情人節回禮究竟有咩要注意？正常嚟講，喺2月14日情人節當日，如果你收咗男仔送嘅朱古力（或其他禮物），咁你就要喺一個月後嘅3月14日白色情人節回禮；不過回禮亦唔代表一定應承嘅，因為每款禮物都有不同含意。就算你你想婉轉地拒絕對方，其實都可以喺白色情人節嘅回禮禮物入手！
ADVERTISEMENTCONTINUE READING BELOW
登入 瀏覽本網站，可獲取積分換領專屬優惠
立即登入/登記
點擊查看專屬優惠
回禮一：糖或朱古力
喺日本文化裡面，如果女生接受你嘅示愛，就會將糖或朱古力當作回禮，表示接受。如果送薄荷糖俾對方，即係話佢好想同佢拍拖！
ADVERTISEMENT
CONTINUE READING BELOW
回禮二：曲奇或餅乾
曲奇代表溫柔體貼，如果以曲奇作回禮，即係對對方釋出善意。如果以餅乾作回禮，唔甜又唔苦，又唔係心心形狀嘅話......就係代表Friendzone，所以如果想婉轉地拒絕對方，送餅乾都係一個唔錯嘅選擇！
回禮三：棉花糖
如果喺白色情人節送或者收到棉花糖又代表咩呢？根據傳統，棉花糖容易溶化，代表愛意轉眼消逝，意思即係拒絕人咁解呀！
ADVERTISEMENTSCROLL TO CONTINUE
不過講多無謂，今時今日要得悉一個答覆，又使乜等一個月咁耐。計我話，如果你情人節收咗禮物但又對對方無興趣嘅話，應該之後都唔會見（收兵例外）！講真如果真係有意思又點會想等一個月先話佢知呀！不過，如果你係浪漫派又想搞搞新意思，白色情人節回禮對大部份人嚟講都應該幾新穎嘅！
Share on:
立即訂閱接收Cosmo最新潮流資訊
訂閱電子報，獲得更多資訊、體驗及禮遇