巴西籍女模Bruna G Marth，疑似同陳偉霆拍拖，陳生冇交代過，但一眾網民拎住5大證據去推斷，大家又一齊評下理喇！
登入 瀏覽本網站，可獲取積分換領專屬優惠
點擊查看專屬優惠
證據1： 11月21日，陳偉霆生日。
生日咪生日囉，365日都有人生日架啦！Bruna喺微博度寫：「Today is a very special day, for someone I love so much! I wish I could be by your side to say you happy birthday! But despite the distance that separate us now, I hope you can feel all the good energies I send you.」言下之意，Bruna同某人Long D緊，而果個人又係11月21號生日，不過，都係果句，365日都有人生日架啦，佢嘅另一半唔一定係揸的士嘅。又，不過，Bruna之後delete咗張相，我覺得呢個人相當有嫌疑。
證據2： 紅色短褲同外套
話說Bruna喺香港嘅時候，佢嘅ig成日都見到有對男人腳，而通常呢對男人兩腳之間嘅上少少，就係一條紅色短褲。咁當然，的士佬有一條紅色短褲，係一件合情合理嘅事啦，就算係同款，又有咩咁出奇喎！再加埋果個男人件外套，咁啱陳偉霆又有，可能真係咁啱呢！
證據3： Silver狗狗
全港養狗嘅人多的是，巴西籍model一樣可以養狗，而且大家都鍾意銀色，改隻狗個名叫Silver，正所謂，大陸個個都撞樣又撞名，做model咁悶，揸的士咁悶，養隻狗叫Silver，唔畀咁啱得咁橋架咩？
證據4： 地氈
香港人買地氈，來來去去都係果幾間舖頭度買，Bruna喺ig story拍到嘅地氈，咁啱同陳偉霆屋企果塊一模一樣，完全唔值得懷疑。人有相似，物有相同嘛，咁啱我屋企都有呢塊啦，唔通我又鍾意的士佬咩？
證據5： 互like互follow ig
陳偉霆，內地紅星，有model follow，簡直唔值得一提，每秒鐘幾萬人follow緊陳生，根本係常識。而陳生鍾意靚野，為人又慷慨，咁佢like咗Bruna其中一張ig相，亦係平常過平常嘅事。兩個人因為外表而吸引住對方，於是互相follow，實在談不上證據。
一致認為，陳生同呢位Bruna有冇拍拖，就等佢地本人公開啦。至於Bruna係邊個？而我不知道陳偉霆女友是誰？網上介紹呢位Bruna G Marth嘅資料少之又少，只知道佢係model一名，成日去上海做野，有個微博網名叫「Brunamarth棒棒的01」，同埋ig，經常po佢啲火辣辣嘅性感相，所以佢男朋友姓陳嘅話，一啲都唔出奇。做咩先，唔抵得人哋咁靚仔搵到個咁索嘅女友咩，都話人哋喺大陸好紅架咯，咪眼紅人啦。
立即訂閱接收Cosmo最新潮流資訊
訂閱電子報，獲得更多資訊、體驗及禮遇