editing

Cheesecake 都有分傳統同新派?香港八大芝士蛋糕甜品推介

Cheesecake 都有分傳統同新派?香港八大芝士蛋糕甜品推介

潮流熱捧梳乎厘班戟類的甜品,但食得多呢類空氣感重、猶如「食咗陣風落肚」的蛋糕,自然會懷念口感厚重、軟綿柔滑、份量札實嘅芝士蛋糕。芝士蛋糕咁多年都擁有人氣高踞的不敗地位,實有其箇中原因。唔講唔知,城中好多餐廳其實都有相當出色的芝士蛋糕甜品,除咗傳統款式之餘,亦有不少創意新派之作,今次就為大家搜羅各式好味芝士蛋糕,唔知邊款啱你心水?


經典傳統派推介1. Cheesecake Factory

Cheesecake 都有分傳統同新派?香港八大芝士蛋糕甜品推介

風靡全美、喺香港開業一年多的人氣店 Cheesecake Factory,今時今日仍然係需要排隊嘅,可見佢哋出品的芝士蛋糕有多厲害!喺店內最矚目的大型蛋糕櫃前,入面放滿30幾款芝士蛋糕及特色甜品,經典如士多啤梨芝士蛋糕或紅絲絨芝士蛋糕,伴以豐盈美味忌廉,至今都係唔少人的心頭好。還原基本的紐約芝士蛋糕雖然簡約,但不簡單,質感細軟、「芝」味濃郁的蛋糕襯上酸忌廉,味道平衡又不會過膩。

Cheesecake Factory 地址:尖沙咀廣東道25號海港城港威商場地下G102號舖

經典傳統派推介2. Alibi – Wine Dine Be Social

Cheesecake 都有分傳統同新派?香港八大芝士蛋糕甜品推介

又係經典紐約芝士蛋糕,但細心品嚐後你一定會覺得口感特別唔同,呢款外表平平無奇的酒店自家出品真係特別軟滑。秘訣在於烤焗方法,一般做法係將芝士蛋糕放入150度焗爐烤焗一小時,而呢度則以100度低溫慢爐焗兩個半小時,難怪會滑啲啦。伴碟另有紅莓雪芭,酸咪咪又清新,包你唔覺滯!

Alibi – Wine Dine Be Social 地址:旺角上海街555號香港康得思酒店5樓

 

經典傳統派推介3. Wolfgang’s SteakHouse

Cheesecake 都有分傳統同新派?香港八大芝士蛋糕甜品推介

大多香港人都唔喜歡太heavy的甜品,特別難搵正宗口味的cheesecake!呢間美國知名扒房的招牌美式芝士蛋糕,口感好rich,質感綿密,肯定滿足大家。而且蛋糕酸甜比例恰如其份,芝士味都非常濃厚,是間值得為你特意到訪餐廳呢。

Wolfgang’s SteakHouse 地址:中環都爹利街六號印刷行1樓

經典傳統派推介4. KYTALY

Cheesecake 都有分傳統同新派?香港八大芝士蛋糕甜品推介

被譽為本年度意大利Top 50最佳意式薄餅第一位的KYTALY,除咗薄餅耍家,佢哋嘅Tiramisu都做得非常好!沿用傳統食譜以及意大利進口嘅有機食材,餐廳的Tiramisu味道非常正宗,mascarpone芝士配以濃香咖啡,加上濕潤的ladyfinger,味道簡樸但令人滿足。餐廳另有加入nutella或士多啤梨的變奏版Tiramisu,無論係鍾意朱古力定清新口味的朋友都一定喜歡!

KYTALY 地址:中環雲咸街77號嘉兆商業大廈5樓

 

創意新派款式推介1. CÉ LA VI

Cheesecake 都有分傳統同新派?香港八大芝士蛋糕甜品推介

呢間位於中環蘭桂坊的夜店,之前有大受歡迎的流心綠茶芝士撻,今季嘗試帶來全新味道!呢款玉桂芒果芝士撻,鬆化批皮內含雪花芝士同以梅酒浸泡的芒果,流心效果依然澎湃,伴以青檸椰子雪糕,為馥郁味道層次添加一抹清爽刺激。

CÉ LA VI 地址:中環蘭桂坊德己立街30-32號加州大廈25樓

 

Cheesecake 都有分傳統同新派?香港八大芝士蛋糕甜品推介

位於西營盤的COBO House,主打創意美饌的餐廳最近換上全新菜單。甜品當中,豆乳Tiramisu特別加入韓式口味,軟芝士忌廉搭上韓式年糕、豆乳、及黃豆粉,製成Tiramisu造型的甜品,並以迷你傳統泡菜缸盛載,另附上一支日本製造的金箔片,等你可自行加於甜品上(剩餘金箔仲可以帶返屋企之後用㗎)。

COBO House地址:西環石塘咀南里8-12號地下及1樓

 

創意新派款式推介3. 22 ships

Cheesecake 都有分傳統同新派?香港八大芝士蛋糕甜品推介

大受歡迎的綠茶蛋糕,至今仍然吸引唔少粉絲。慕絲狀的蛋糕香濃細滑,加上自家製青檸乳酪雪糕,味道酸甜夠醒胃!蛋糕上另外香脆可口的蜂蜜脆脆,多種口感加起上來,特別豐富!

22 ships 地址:灣仔船街22號地下

 

創意新派款式推介4. 茶。家

Cheesecake 都有分傳統同新派?香港八大芝士蛋糕甜品推介

茶。家的茶品芝士蛋糕一直為不少人所愛。綠茶芝士蛋糕以外,另有印度香料或泰式奶茶芝士蛋糕等口味。其中焙茶芝士蛋糕乃大受歡迎的款式,培茶所散發著獨特的焦糖香,同芝士的奶香不謀而合,食極都唔厭!

茶。家地址:上環太平山街18B號地舖

 

LOAD MORE