editing

揀Airbnb唔好貪平貪靚!女生獨遊揀民宿8大注意事項

揀Airbnb唔好貪平貪靚!女生獨遊揀民宿8大注意事項

女人一生人定要來一趟獨遊,感受一個人旅行的樂趣。但一人出走香港,需要注意安全,尤其一心想揀平靚正的Airbnb時,要加倍小心,唔好只被照片、價錢吸引。


1. 熟讀民宿、屋主資料

揀Airbnb唔好貪平貪靚!女生獨遊揀民宿8大注意事項

一個女仔去旅行,安全及私隱好重要!Airbnb有分唔同租住類型,有些要共同浴室、客廳,有些則只有床位而無房間,對部份注重私隱的女生來說未必好方便。所以預訂心儀民宿前,首先要仔細睇晒民宿頁面上嘅資料,睇晒啲相之後,你會對民宿嘅風格同設施有所認知,加上睇埋屋主簡介後,就可以進一步清楚知道房間內係咪有齊你所需嘅設施(特別係wifi、風筒、冷暖空調、盥洗用品等)。

基於一個人去旅行,民宿地點不宜太偏僻,最好位於交通便捷的地方,唔好揀小巷,如果附近多餐廳、食肆就更安全。

 

2. 小心民宿相片陷阱!細閱民宿評論

揀Airbnb唔好貪平貪靚!女生獨遊揀民宿8大注意事項

在這「照騙」嘅年代,用戶評語嘅參考價值比起民宿相片高得多。因為相片可以係N年前影落,又一定會執到最乾淨整齊先影。但到底房間乾唔乾淨?冷氣、熱水爐有無壞?隔音設備好唔好?屋主嘅指示夠唔夠清晰?民宿離地鐵站行幾耐?以上問題嘅答案一一可以從佢哋嘅評語之中獲得頭緒。

 

4. 小心凶宅陷阱

4. 小心凶宅陷阱

膽小女生注意!早前有報導指出日本有啲民宿其實係凶宅,如果擔心的話,可以先上日本網站「大島てる」以求安心。呢件網整合晒各種「事故物件」嘅資料,幫助你搵到日本全國凶宅地址以及「出事」原因。

 

5. 預早了解Check-in 流程!

揀Airbnb唔好貪平貪靚!女生獨遊揀民宿8大注意事項

入住民宿最麻煩就係check-in,因為唔係間間民宿都提供 24小時reception,如果checkin 時間太夜、或者屋主唔喺屋企,一個女仔拖住行李流浪街頭就唔好啦!所以預訂民宿時要了解清楚check-in 時間限制、用password 即可入屋抑或要聯絡屋主等等。一般屋主都會喺你入住前就send有關check-in嘅詳細資料俾你,記得要一早download定(以防人在異地突然data卡唔work),而且仲記得記得要攞埋屋主電話,萬一搵唔到路都即刻可以打俾對方求助!

 

6. 通知親友民宿地址

揀Airbnb唔好貪平貪靚!女生獨遊揀民宿8大注意事項

民宿嘅安全保障始終不及酒店,你又一個女仔身在異地,難免令人擔心。出發前,最好將住宿屋主資料預先send俾可靠嘅親友,以策安全。

7. 搵定後備酒店,以防萬一

揀Airbnb唔好貪平貪靚!女生獨遊揀民宿8大注意事項

就算你做足以上幾項,都難保突發情況如屋主失蹤又或者民宿突然唔接待賓客。所以入住民宿前,其實不妨都了解下附近酒店嘅位置,有咩意外上嚟,都即刻有個back up方案,避免流落街頭嘅不知所措!

 

8. 入住後記得為對方留下評語

8. 入住後記得為對方留下評語

無論住宿體驗係咪愉快,都可以為對方留返評語,方便未來住客參考。唔好嘅嘢要寫低,但好嘅嘢就更加要記錄低喺評語上,等更多人有機會結識到呢啲咁好嘅屋主!

LOAD MORE