feature

【聖誕節2018】脫單十法!女生向暗戀男咁樣表白一定成功

【聖誕節2018】脫單十法!女生向暗戀男咁樣表白一定成功

聖誕節呢個咁浪漫嘅節日,又真係好令人想同暗戀對象共諧連理嘅,但古語有云「女追男 隔層紗」,好似點講都怪怪哋!如果你覺得對象其實對你都有啲意思,既然諗爆頭,不妨參考小編以下十個有趣的表白方法,睇睇呢個聖誕節能否順利脫單啦!


聖誕脫單表白十法1. 倒數時大叫「我好鍾意你」

【聖誕節2018】脫單十法!女生向暗戀男咁樣表白一定成功

一年最興嘅兩個倒數時刻,除咗除夕之外,仲有聖誕節,但聖誕節嘅倒數又不及除夕倒數咁多人,所以非常適合喺倒數「5、4、3、2、1」對方講「Merry Christmas」嘅同時你就大叫一句:「我好鍾意你呀」如果對方係對你有意嘅,聽到一定會望住你對眼甜甜笑笑,即時脫單成功;相反如果無意嘅,咪當佢聽唔到算囉!

聖誕脫單表白十法2. 送聖誕卡

【聖誕節2018】脫單十法!女生向暗戀男咁樣表白一定成功

近年電子化流行,令聖誕卡越少人送,當然不計寫給聖誕老人的。要現代人說一句:「聖誕快樂」大部分都會取而代之用Whatsapp,不過可能連Whatsapp內容也只是copy別人的文字再轉發出去,心思越來越少。如果在這個聖誕節,向你嘅暗戀男送上一張聖誕卡,但聖誕卡入面是寫上「聖誕快樂,可以做我男朋友嗎?」完全勾返起那些年讀書時代嘅青春感覺,男生又點會忍心拒絕你呢?

聖誕脫單表白十法3. 男女共處一室

【聖誕節2018】脫單十法!女生向暗戀男咁樣表白一定成功

千萬唔好以為用一個公眾壓力就可以成功強逼男生接受你嘅表白,因為男生同女生最大嘅分別就係唔鍾意被強逼,所以最好表白嘅方法一定係單獨相處,而喺男女共處一室嘅情況下,對方亦唔會咁感受到壓力,感覺反而會更良好,更容易接受女生嘅表白。不妨可以挑選一啲特唔嘅地方,例如有主題性嘅情趣酒店作表白之用,唔一定要爆房,當Party Room用都可以,咁如果男生又真係接受你,咪直頭順便開埋房囉,脫單成功!

聖誕脫單表白十法4. 認真嚴肅表白

【聖誕節2018】脫單十法!女生向暗戀男咁樣表白一定成功

好多人都會以為飲醉酒可以壯膽表白,但其實對於男生來說,其實反而會覺得你玩玩下,唔認真,所以佢地唔需要好認真咁答你。比較好的做法就係你自己都要認真嚴肅咁對你暗戀嘅對象表白,如果你都覺得對方對你已經有好感,對方見你咁認真一定會認真回應你;但掉返轉,如果你覺得對方本身都冇乜意思,其實你就咪鬼咁勇去表白啦,咪盞食檸檬!

聖誕脫單表白十法5. 送暗示性嘅聖誕禮物

【聖誕節2018】脫單十法!女生向暗戀男咁樣表白一定成功

當大家都認為聖誕節係一個應該送禮物嘅節日時,咁表白就應該連帶一份精心準備嘅禮物,而如果想對方知道自己心意,但把口又唔敢講出來,倒不如揀一份代表到自己心意嘅禮物啦!例如送一套Happy Ending嘅愛情電影、一份情侶專用嘅禮物……如果對方接受的話,仲可以即場去睇戲,或者即場用份禮物!So sweet~

聖誕脫單表白十法6. 約唱K

【聖誕節2018】脫單十法!女生向暗戀男咁樣表白一定成功

今個聖誕除咗去商場影聖誕Deco之外,其實仲可以約暗戀男生去唱K,然後點所有男女合唱愛情歌,唱到倒數,婉轉得嚟又帶點直接,直接得嚟又不失矜持,都係嗰句:「要明嘅一定會明嘅!」小編比較推介最後唱 Twins嘅《你講你愛我》,幾蠢都一定會明!

聖誕脫單表白十法7. 自編自導自演

【聖誕節2018】脫單十法!女生向暗戀男咁樣表白一定成功

小編並唔係叫你誇張到去做一場舞台劇,而係嘗試自訂一個小劇場,令對方有種驚喜嘅感覺啦!例如明知道尖沙咀有busking,就一早夾定busker當晚叫你出去,然後點唱一首情歌送俾暗戀對象;又或者特登同佢去搭扶手電梯,一高一低咁企,然後扮跌親仆落暗戀對象,如果對象有意思嘅,一定會冧爆,成個畫面浪漫而又不失玩味。

聖誕脫單表白十法8. 睇戲偷捉手

【聖誕節2018】脫單十法!女生向暗戀男咁樣表白一定成功

若果你一睇到個標題就打算話小編老土,咁你就大錯特錯喇!因為橋唔怕舊,最緊要受!戲院絕對係一個非常好嘅表白地方,仲要唔洗你開口!喺戲院一片漆黑嘅環境裡面,兩個人坐定定一齊睇成個半鐘嘅戲,唔覺意掂到、唔覺意摸到,然後唔覺意捉實對方嘅手都係一件非常合情合理嘅事!不如約埋你暗戀嘅對象聖誕節睇返場戲,試吓玩捉手仔啦!

聖誕脫單表白十法9. 商場幫情侶影相

【聖誕節2018】脫單十法!女生向暗戀男咁樣表白一定成功

去到不同商場入面,一定有大堆情侶影聖誕節Deco,一定一定要幫啲情侶合照,因為咁樣你先可以講返句:「可唔可以幫返我哋影呀?」咁先唔會咁突兀,如果對象對你都有啲意思嘅,根本唔會介意同你合照,如果介意嘅,其實你已經失敗咗9成,返屋企食自己算啦!

聖誕脫單表白十法10. 餐廳食情侶餐

【聖誕節2018】脫單十法!女生向暗戀男咁樣表白一定成功

呢個方法都幾冒險,但又係一個最快捷同直接知道對方心意嘅表白方法,因為以上其他方法,都仲有個機會和空間俾對方考慮,但聖誕節期間,間間餐廳都一定會做「聖誕節情人套餐」,而聖誕節又一定會需要食飯,咁你就記得開口問:「食情人套餐好冇呀?」因為侍應企喺隔離,佢需要好快回應你,如果答好嘅話,咁即係脫單成功;如果佢答唔好,咁咪叫返個散餐食囉。

其實不論用邊一種方法去表白都好,最最緊要都係你先要心中有數對象對你嘅心意,如果你都知對方對你都冇乜好感,其實無論你用咩方式表白,佢都一定會拒絕!祝各位姊妹聖誕節好運,快快脫單成功!

LOAD MORE