feature

交友App開場白講咩好?3大正確與錯誤示範 避免好對象消失!

交友App開場白講咩好?3大正確與錯誤示範 避免好對象消失!

Tinder、happn、Coffee meet Bagel...安裝好一堆有單身筍盤的交友Apps,找到了合眼緣的對象,下一步就展開話題一擊即中。然而好多玩家反映,即使pair up成功,對方都唔多願意跟自己交談,死因不明。其實死因並唔難估,好大程度是因為用錯開場白招致失敗!


錯誤開場白1:Only say hi

只send 出「Hi」,相信對方回覆率超級低,就算覆你,

交友App配對成功後,只send 出「Hi」,相信對方回覆率超級低,就算覆你,只會係「Hi」、「Hello」,話語權又返到你呢邊,這種猜波式對話實在令結交節奏減慢,無以為繼,絕對是最差的開場白。

 

錯誤開場白2:我最近XXX

呢種太以自己為先的對話,未必吸引到對方。

第一句就話「我今日打完波,好攰」呢種太以自己為先的對話,未必吸引到對方。尤其兩人互不相識,一開始點會有興趣知道你心情、狀態?假如對方回你一句「好好休息下」便成話題終結者,怪不得人。所以,以開場白宣洩自己情緒,實在令人無奈。

 

錯誤開場白3:分咗手幾耐?

被你這樣一問,都唔知講唔講真話好,生怕講真話會影響下一步發展。

「你拍過幾多次拖?」「分咗手幾耐?」一開口便問對方感情狀況,都會令人卻步,不想跟你分享。對方可能好耐都未拍過拖、單身未出過Pool;也有可能正逐步走出情傷,被你這樣一問,都唔知講唔講真話好,生怕講真話會影響下一步發展。所以開場白忌以感情狀況入手,日後啱傾才慢慢詢問,對方自然願意透露。

 

正確開場白1:你張相喺邊度影?

不妨用對方相片做開場白,例如「呢張相喺邊度影?個景咁靚嘅?」

你會add對方做friend,除了外表吸引到你,相片中的舉動都係誘因之一。不妨用對方相片做開場白,例如「呢張相喺邊度影?個景咁靚嘅?」「你好鍾意行山?張相係邊座山影?」投其所好,對方一家願意為你介紹打卡背後的故事,如果咁啱志趣相投,話題自然源源不絕!(所以,自己都要set 返張有話題性的profile picture! )

 

正確開場白2:你個興趣咁特別嘅?

讓對方多表達自己,同時感到尊重,是成功的第一步。

根據對方的檔案和資料做開場白,會令對方覺得開場白不是老土地copy and paste,而是有心思,有了解過自己才send出。可能你未必好了解對方的職業是什麼,又唔識佢讀嗰間大學,而這正是一個好好的話題,「你間大學喺邊?大學生涯係點?」「你份工要成日出trip?」讓對方多表達自己,同時感到尊重,是成功的第一步。

 

正確開場白3:你玩咗呢個App幾耐?

問呢個問題既試探對方玩App經驗及認識用家數目

「喺呢度識唔識到人?」玩得交友App,無非想識朋友,問呢個問題既試探對方玩App經驗及認識用家數目,又可互相分享大家在App上遇到的怪人怪事,放下心防。對方都好有興趣知道你玩App經驗,手上有幾多個了解中的異性。當雙方分享完趣事再慢慢介紹自己亦不遲。

如果試過以上的開場白,但最終依然無疾而終,可能是死於這5點!

LOAD MORE