大閘蟹公乸分別是什麼？10月至12月是大閘蟹當造季節，相信愛吃大閘蟹的你已準備好要約朋友來一場大閘蟹宴了！入手大閘蟹套餐前想知道大閘蟹公乸點樣分？大閘蟹煮幾耐？大閘蟹拆蟹方法？即看東海酒家大閘蟹專家區偉強（強哥）分享有關食用大閘蟹及揀大閘蟹貼士吧。
登入 瀏覽文章可賺取積分
大閘蟹當造季節
大閘蟹當造季節於10月至12月，但其實一年四季都有大閘蟹，只是想嘗到肥美、爆膏大閘蟹，就要等到秋冬季節。因為大閘蟹屬於冬眠生物，在冬天來臨前，牠們要儲肥自己，所以每年秋天時節，大閘蟹已經食飽，蟹膏蟹肉都比較多。
六月黃大閘蟹一樣爆膏
所謂六月黃就是指童子蟹，每年農曆6月至7月也有特色大閘蟹「六月黃」；這款大閘蟹同樣爆膏，而且殻薄、肉嫩。六月黃又名「處子蟹」，是大閘蟹進入成熟期前的階段，等到農曆七、八月褪殻完成後就是大家常見的大閘蟹了。不過六月黃腥味一般較濃，怕腥的話就要多等一兩個月啦。
大閘蟹與普通蟹有什麼分別？
大閘蟹又叫中華絨螯蟹，屬於毛蟹的一種，绒毛較多，於淡水生長。平時食的蟹則不屬此類。
買大閘蟹攻略：兩大必check要點
訂購大閘蟹時，通常先選蟹的Size，然後拿上手秤重量，愈重愈好，這代表蟹膏蟹肉都較豐盛。另外，記得留意大閘蟹的肚必須為白色，代表牠一直生長的湖水夠乾淨。強哥還教大家仲可以捏一下蟹腳，愈厚實愈靚。
今年未訂大閘蟹？即看大閘蟹專門店推介
大閘蟹產地重要嗎？
大閘蟹產地主要於江蘇、東北、湖南等地區，而江蘇陽澄湖則是知名的大閘蟹產地。強哥指出，只要供應地湖水潔淨，沒有落農藥，經檢驗合格，已經可以有高品質的大閘蟹。除了大家耳熟能詳的陽澄湖大閘蟹外，中國東北三省（遼寧、吉林、黑龍江）的大閘蟹同樣值得入手。
大閘蟹公乸點樣分？
食大閘蟹最常被問到的，就是「你要蟹公定蟹乸」？到底大閘蟹公乸分別是什麼？其實公蟹母蟹分別不在肉質上，而在於大閘蟹蟹膏：公蟹蟹膏屬於軟膏，而母蟹則屬於實膏；當中以蟹公軟膏最為好食。
大閘蟹公乸分別
大閘蟹公乸分別
蟹公 | 蟹乸 | |
|---|---|---|
蟹膏形態 | 軟膏 | 硬膏 |
外形 | 蟹奄呈尖狀、蟹鉗較大 | 蟹奄呈圓狀、蟹鉗較小 |
價錢 | 較低 | 較高 |
而蟹乸蟹膏最適合用於其他蟹饌，例如炒蟹粉，但炒蟹粉過程複雜，不適合自行製作，所以建議大家買蟹公。
大閘蟹如何保持新鮮？
坊間教授將大閘蟹放在冰箱並用濕毛巾蓋上，這個方法是正確的。不過最重要是先讓蟹飲水，才放在冰箱內。如果單單將蟹放入冰箱，蟹會變乾，更會死亡！
另外，如果光顧餐廳食大閘蟹，上菜時蟹鉗已經鬆脫，代表大閘蟹在蒸煮時仍然生猛掙脫，代表夠新鮮！
大閘蟹煮法：清蒸大閘蟹最佳
大閘蟹最佳食法是清蒸大閘蟹，清蒸前在大閘蟹下面墊一塊紫蘇葉，可作驅寒，然後反轉閘蟹、蟹肚向上原隻清蒸，有助保持蟹膏鮮甜及肉汁嫩滑，不會在烹煮過程中流失水分。
紫蘇葉除了用於蒸蟹，本身更有不少好處！即看紫蘇葉功效及好處
大閘蟹蒸幾耐？
大閘蟹約5両至6両蒸15至20分鐘，7両至9両則建議蒸 20-25分鐘即可。熟透的大閘蟹呈現橙紅色，蟹蓋易於打開，蟹膏應呈鮮橙色，蟹肉變成白色就可以食用了！記得蒸蟹時不要解繩，可避免蟹腿斷裂，保持完整。
大閘蟹食法及次序公開
正確的大閘蟹食法是先吃蟹腳、蟹爪、後吃蟹身，最後是蟹膏。因為蟹身及蟹膏有蟹殼保護，有助保溫，因此可最後才吃。不過强哥個人自有一套食蟹心得，認為蟹膏是大閘蟹最珍貴部位，盡可能在最熱時食！
蟹粉煮法
如果你想自製蟹粉，炮製其他菜式，不妨參考一下以下蟹粉製作方法。
- 先拆出大閘蟹蟹膏；
- 蒸熟後再拆蟹肉；
- 把兩者拌炒而煮成大閘蟹粉。
每隻大閘蟹的蟹粉及蟹肉最多只可製作3-4隻蟹粉小籠包。
拆蟹教學及步驟
- 先將蟹鉗、蟹腳拆下；
- 沿蟹腳關節位置剪開，脫出蟹肉；
- 沿蟹鉗兩邊剪開，剔出蟹肉；
- 打開蟹蓋，去除蟹的內臟，同步挑出蟹心臟；
- 剪開蟹身，剔出蟹肉即可。
大閘蟹心能吃嗎？大閘蟹不可食用部位公開
很多人都聽過大閘蟹心不能吃，但為什麼？大閘蟹心不能吃的原因是這部分過於寒涼，對人體不好。另外。大閘蟹蟹殼、肺及胃部都不能食用。
大閘蟹好食部位有哪些？
大閘蟹最好食的部分一定是蟹膏（尤其公蟹！），而蟹腳對上關節有一梳札實的蟹肉，肉質也不錯，是整隻蟹必吃部位。
大閘蟹薑茶功效是什麼？
吃大閘蟹時可以飲薑茶，有驅寒作用。而坊間流傳的飲蟹醋其實是錯的，一般只會用來提鮮。如果在家清蒸大閘蟹，可以用鎮江醋加薑絲，即可帶出鮮味。
薑茶煮法
- 洗凈後去皮，放入鍋中；
- 加入500ml水，大火煲煮5分鐘，轉小火熬煮至薑味溢出；
- 湯水變黃後即可加入糖調味。
怕薑茶太辣？加入黑糖或紅糖熬煮更好味！即看黑糖薑茶做法